Welkom
op mien Mestreechter hoespagina! Iech heit Raymond, mer iech bin op 't
internet veural bekind es "Sjeng" en bin dèks te vinde op
mIRC, undernet #dutchdivx en #digital.
Dizze pagina geit euver de dinger die miech interessere, zoe es dinger op 't internèt, de stad Mestreech en häör eveneminte, science-fiction en fantezie, Harley-Davidsons, en nog väöl miejer. De navvegasiebalk aon de linkerkant kin uuch door de versjèllende pagina's leijje. G'r kint dizze pagina op z'n Ingels en netuurlik op z'n Mestreechs leze.
Dizze pagina is veurnaomelik bestump um luij get informasie te geve euver versjèllende oonderwerrepe, veural euver Mestreech, boe iech ongeveer 17 jaor höb gewoend. Mèt dizze pagina wèl iech aoch gere bereike tot luij oet Mestreech die in 't boeteland woene get recente informasie kriege euver de Mestreechter eveneminte. 'T groetste en fiestelikse evenemint boe iech daobeij aon dink is netuurlik de Vastelaovend. Umtot iech in 't verleije al väöl positieve reacties höb gekrege euver dizze pagina, höb iech beslote um ze gans te vernuije, en iech bin gevraog um miech aon te sleete bij de Hollandse "Holland Webring", die aoch es doel heet luij oet Nederland in 't boeteland in kontak te hawwe mèt hun vajerland.
Eeder pagina heet 'n aontal links naor pagina's met verwante oonderwerrepe, zoetot es geer örreges miejer euver wèlt wete, geer mer naor 'nne aandere site hoof te surrefe.
Reacties op mien pagina kint geer sjrieve in mien
gastebook,
of sjik miech 'nne
e-mail
mèt eur suggesties, gevoonde fäötsjes of aander opmèrrekinge. Iech stèl 't allemaol op
pries.
