Ein vaan de bèste strategiese kaartspeuler in
de wereld is oongetwiefeld Magic: The Gathering. Ut kombineert strategie,
aktie en väöl fantasie in ein speul. Un aander groet pluspunt vaan 't
speul zien de teikeninge op de kaarte, die verzamele wel erreg leuk make (en
verslavend). Zoe es iech gezag höb op mien fantasie pagina, zit d'r un groet verhaol achter dit speul, wat op 't momint in pocket vörrem weurt oetgebrach. Ut speul späölt zich aof in 'nne wereld dee Dominaria hèt, unne zoegenaomde plane in 'n groet multiversum vaan versjèllende planes dat Dominia hèt. In 't speul bis diech in de rol vaan 'nne machtige planeswalker, 'nne taoveneer dee machtig genog is gewoore um tösse deze planes te bewege. D'n taak is um diene tegestaonder te verslaon mèt de spreuke die ste höbs. Deze spreuke zien de kaarte die ste in dien deck höbs. De kins dien eige speul kaarte samestèlle met elke kaart die ste mer wèls. Umtot d'r doezende versjèllende kaarte zien, en vijf kleure Magic, zien de meugelikhede oneindig. De kins un deck bowwe mèt 'n bepaolde strategie, of mèt 'n thema, zoe es elfen of goblins. Magic besteit wie gezag in vijf kleure. Dit zien de kleure wit , blow , zwart , roed en greun . Wit steit veur leech en orde en keump vaanoet de ope vlaktes (plains); blow veur gedachte en illusie, en keump vaanoet eilande (islands); zwart veur duusternis en verval vaanoet de moerasse (swamps); roed veur chaos en vernietiging vaanoet de berge (mountains); greun veur natuur en greuj vaanoet de bosse (forests). Weijer zien d'r nog 'nne haop zoegenaomde artifacts (veurwerrepe), dat zien kleurloze dinger of gebruuksveurwerrepe. Links: Wizards of the Coast (de officiële M:TG homepage) Crystal Keep Magic Pagina Kingdom of Magic Page mèt gescande kaarte Magic Artwork [1] Magic Artwork [2] Magic Cards Database Magic Suitcase, inventarisasie programma veur d'n kaarte Microprose Magic: The Gathering PC Game X-mas Magic Pagina Grappige Magic Pagina's:
|