Kees eur pagina

Sign My Guestbook  
View My Guestbook

         

De allerierste en onofficieelste Brand Beer pagina op 't         internèt!

Dizze pagina geir euver ut bèste beer oet Limburg, naomelik: Brand beer. 'T weurt gebrowwe in 'n browwerijj in Wielree (Wijlre) sins 1340 en in 1871 heet d'n Hier Frederik Edmond Brand 't gekoch, en woort de Keuninklikke Brand Beer Browwerijj gebore.
Erreg genog is eus browwerijj roond de milenniumwisseling in han gevalle vaan 'n Hollandse browwerijj boevaan iech de naom neet zal (en wèl) neume.

Heij oonder stoon get aw etikètte vaan fleskes, die zien d'r alleweil aanders oet, dus ut is wel leuk um debeij te zètte:

Dit zien inkele tekste die geer op de etikètte vaan de fleskes kint vinde:

Citaat uit "Cleerbuch" van Heerlichkeit Wylre anno 1420: "Dat binnen der heerlichkeit Wylre ein panhuis is und soll sein, so dat niemandt biere en sall verkoupen binnen der vurss, idt en sei mit willen des brouwers, die in dat vurss, panhuis sidt."

"Rond 1300 ontstaat in de heerlijkheid Wijre in het hart van het zuidlimburgse heuvelland, een brouwerij die in 1871 eigendom wordt van Frederik Edmond Brand."

"Brand Bierbrouwerij in Wijlre mag met recht de oudste brouwerij van Nederland genoemd worden. Als vanzelfsprekend staan bij Brand een hecht gevoel voor traditie en een grote liefde voor het brouwersvak voorop. Daarom worden de bieren van Brand niet gepasteuriseerd en munten ze uit door hun natuurlijk frisse smaak."

Luij die in Nederland woene kinne lid weure vaan de "Brand Uptimisten" club. Informasie euver wier dat geit kint g'r vinde op de officiële Brand Beer Pagina, oonder "Brand Up". Lidmaotsjap kos e tiensje en geer kreijg daoveur 'nne sjieke Uptimistepas, zès sjoen kristalle (!) Up glaazer, en e leuk keertsje mèt keersemes en mèt eure verjaordaag. De naom UP beteikent "Urtyp Pilsener". Dat wèl zegke tot 't e zuuver pèlske is, op tradisionele meneer gebrowwe, en veural erreg lekker!.
In Mestreech zien hiel väöl Brand Beer kefeekes te vinde, mer geer kint d'r aoch väöl aander Limburgse bere tegekome  (Gölpener beer, Ridder beer, Alfa en Liew). In Eindhoove, boe iech studeer, vinste haos nörreges Brand Beer kefeekes, mèr d'r is wel eint boe iech gere kom, naomelik cafe 't Brugske op Stratumseind. Mer erreg genog höbbe die in 2000 beslote um in plaots vaan Brand noe Liew te goon sjinke. Desalneettemin is 't e gezèllig kefeeke en de meujte weerd es geer ins naor Eindhoove zowt goon.

Heij volg 'n euverziech vaan de versjèllende beere die noe door Brand weure gebrowwe, gevolg door de etikètte. Es geer 'n etikèt beter wèlt beloere, kint geer d'r op klikke: